Chah kem ar ngut wa booh Camera ha thawsum ki kynthai wa puræ ha Guwahati

Ki pulit ka Guwahati da kem ki ya uwi u bru wa 25 snem wa ka kynthai wa 23 snem heiyatoh wa i booh Hidden Camera ha thawsum ka Girls’ Hostel ka Tata Institute of Social Sciences (TISS), Guwahati.

Ini wan i hadien wa kiwa lai puræ da chem ki ya ka Hidden Camera ha ka 25 tarik u February uni u snem.

U pulit ka Jalukbari Police Station da ong u wa kini ki ar ngut toh kiwa chi chan wei nei takit da chem wa kani ka bru tipmit ko ya kawa sah ha kani ka Girls’ Hostel wei da booh ko ya ka Camera ha thawsum.

Ya u chynrang da tip kam u Mridupawan Bora katwa ka kynthai ka Anushree Saikia.

Related posts

Yap uwi katwa dang kaap cha chiliang sarok | Yut ka kari wa tyrrah

June 28, 2026

Chirta beh kreh ka Meghalaya Cricket Association ya u Coach wa u Manager, chah Suspend soo ngut kiwi heiyatoh wa i chah leh khlem akor ki kynthai wa yalehke

June 28, 2026

Kam wow pynkynmoo wa ya kani ka Hidden Camera da chem na ka synduk sabon ha thawsum ka mala wa le ka Hostel.

Ini i chem ya kani ka Camera da pynkhyrngiat ko ya kiwa boon ha kani ka thaw puræ wei neiliang ki bor wa pynlai ka TISS da pynman ki leh ya ka takit.