Chah kem biang u khynnah wa slaitbor ya kawi ka khynnah hadien wa tooh poisa u

Jowai : Uwi u khynnah wa dang 13 snem i rta uwa da em kti ha ki le tylli ki kaam slaitbor ya ki khynnah wa dang 7,8 wa 9 snem da yoh kem ki pulit oo ynnin ka 3 tarik.

Ya uni u khynnah toh uwa da thooh ki pulit nadooh u bnai Khonchnonglad, 2016 hadien wa slait bor u ya ka wi ka khynnah wa dang 8 snem wei ha ka jooh ka sngi da thmu u wow slaitbor sa ya kawi ka khynnah wa dang 7 tangwa da yoh ko u yut na ki kti uni u khynnah.

Also Read: Chah slaitbor kawi ka khynnah wa 8 snem wei lait kawi won kawa 7 snem na tyrsim yong u jooh u khynnah

Hadien wa kem ya uni u khynnah da libooh ya oo cha ka Childline tangwa ha ka step wa bood da yut u na kani ka thaw.

Ha u Duyatra (January) yong uni u snem da thmu biang u u slaitbor sa ya kawi ka khynnah wa dang 9 snem ha Changpung Pohchnong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Also Read: Thmu slaitbor biang u khynnah wa 13 snem sa ya ka khynnah wa 9 snem

Ya uni u khynnah da thooh ki pulit oo da boon bnai tangwa ym em chem ki oo hadooh wa poi ynnin ka sngi heiwa da yoh ujor ki na uwi u tre kharkhana chna kari wa em ha Phramer wa u khynnah wa kreh wa oo da tooh poisa u naka kharkhana u.

Ka Special Party ki pulit da li kit ki oo uni u khynnah cha Jowai Police Station wei ki tnat ka Police Kynthai hadien wa yoo ki oo da tipmit ka oo uwa da emkti ha kiwa boon ki kaam pyrchah kynthai.

Ya uni u khynnah da phah ya oo syndon cha Juvenile Home wa em ha Shillong.

Ha Phramer sah lang u wa kiwa em yatoh u.