15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Chah kem da ki phaw tylli ki truck kit mooyong na ri-loom Jaiñtia

0 Comments

Jowai: Ha ka 24 tarik uni u bnai u K.L. Nongbri, ADM, Khliehriat deilang wa ki pulit da pynman ki ya i sylli ya ki truck kit mooyong ha Khliehriat wei da chem ki ya 5 tylli ki truck kit mooyong wa kit palatpood wei ki wym biang ki kot ki sla katkam ka hukum ka NGT.

Kini ki truck toh kiwa em ya u number ML-04B-8714, ML-11-0411, ML-06-8230, ML-04C-4354 wa ML-04A-5723.

Ha kani ka jooh ka sngi u C.P. Mawkon, Executive Magistrate, Khliehriat deilang wa ki pulit da yoh kem ki na Khliehriat ya 5 tylli ki truck wa kit mooyong palatpood wei ki wym biang ya ki kot ki sla kiwa tyngkheiñ ya ka hukum ka NGT.

Kini ki truck toh kiwa em number AS-10C-2354, AS-10-6535, AS-01DD-0919, ML-04B-0938 wa AS-01AC-3709.

Ha ka 26 tarik won u Magistrate deilang wa ki pulit da chem ki ya ki 2 tylli ki truck na yaaw Khliehriat kiwa kit mooyong palat pood kiwa em ya u number ML-04B-4932 wa (ML-04A-5194).

Ha kani ka jooh ka sngi u L.G.M Kharmih, EAC, East Jaintia Hills deilang wa ki da chem ki ya kawi ka truck wa kit palatpood na yaaw Khliehriat wa em ya u number ML-04A-6838 wa suba ki wa kit palatpood ki.

Ha ka jooh biang ka sngi ki pulit da chem ki sa ya ki 2 tylli ki truck wa kit palatpood wa pynyieñ ha 7th Mile Petrol Pump wa em ya u number ML-10- A- 6087 wa ML-04-A-2376.

Previous
Next

0 Comments

Leave a Reply