Kawi na ki khyllood kawa da chah ksoh wei chah rah wow takit da ki pulit hadien wa chah kem wa ki kattu katni i drugs na ka kari wa chong ki na Mawiongrim, da khana wa yei drugs toh iwa da wanrah na ki thaaiñ yong ka Byrnihat.
Hawa kylli chaphang i dor, kani ka khyllood da khana ko wa da thied na Byrnihat hei dor wa rap duna wei manda wanrah won yow dai ha Shillong i dor i drugs da rap heh i.
Kani ka khyllood kawa da kam toh kawa pynemkaam drugs, da ong ko wa ka hi ymtoh kawa dai drugs tangwa kawa pynemkaam samen, wei i lai yow chim yei drugs toh kattu la arsien, wei ka da pynemkaam drugs ko kattu la kamwa san snem haroh.
Kani ka kynthai da suba wa sdang ko wow dih drugs lyngba u kurim u wym em de yachong ki, tangwa neiliang yong ka da ong ko wa i dih drugs ko ymtoh deiwa pynbor næ wa pynyoo u kurim ko, tangwa dei mon wa samen yong ka hi.
Discussion about this post