Chi rta phah kset ka yung bichaar ya uwa thang ya ka kurim hadooh wa yap

Ka yung bichaar u Sessions Judge, Jowai, u N. A. Khan da rai pynrem ko ya u Stam Surong heiyatoh wa ka Sessions Case No. 37 of 2015 deiwa phah kset oo waroh chirta neidaw wa pynyap u pyn ya ka kurim u deiwa thang ka.

Kani ka Case toh kawa mih lyngba ka FIR wa da booh da u Barwill Singh Sari ha u In-Charge ka Ummulong Beat House deiwa ong wa ha ka 08-09-2006 heipor kamwa 5:00 waje i step, u Stam Surong da pynyap u ya ka kurim hi u, ka Before Sari, deiwa thang ka hadien wa theh phniang charak pyn hapoh i yung wa sah ki.

Chwa wow khlaad ko, da khana lut ko ya waroh i jait iwa jia cha kiwa ha-yung ko wei ya kani ka Case da Register ha Jowai P.S. Case No. 104(9)06 U/S 302 IPC heiwa da takit wei Charge Sheet da u SI A. Rymbai.

Ka yung bichaar hadien wa pait ya waroh ki jait da rai pynrem ko ya u Stam hapoh ka Section 302 ka Indian Penal Code deiwa phah kset oo waroh chi rta deilang ka kuna wa Rs. 5,000.

Related posts

Iñkhaw ka Bolero Pickup ka Shree Cement neiwa chah kawang Petrol Bomb ha ki bru wa kah durkhmat ha EJH

August 25, 2026

Daw pynman ya ka e sikai pynriam pynchna syntu wa i chna kpieñ neibynta waroh

August 25, 2026