Ki pulit ka Meghalaya Anti-Narcotics Task Force (ANTF) da kem ki ya 2 ngut kiwa dai drugs na Lumsurvey, Shillong ha ka 22 tarik chirup wa i Heroin wa kiwi ki tiar wei ya ini da leh hadien wa yoh ya ka yutip wa tikna.
Ki ANTF deiwa tip tikna wa daw em i ya kylliang kti yei drugs da yoh ki wow kem ya kini heipor wa leh ki yei kaam.
Hawa kynreh ya ki 2 ngut katkam ka NDPS Act da chem ya i synduk sabon wa em i Heroin wa khia 16.1 gram, 47 tylli ki klong khian namo ki Vials wa em Heroin wei da kem leh ya ka Mobile Phone.
Ya kiwa chah kem da tip kam ka Sabina Begum (21 snem) ka kurim u Omega Ali wa sah ha Lumsurvey, Shillong wei i chnong tre ko toh na 5th Mile, Samdhara, PS Sonitpur, Tezpur, Assam wa u Viru Singh (40 snem) u khon u Taru Singh, na Punjabi Line, Bara Bazar, mar pyrchah BK Sons Bakery, Shillong.
Heiyatoh wa ini da Register ya ka Case ha Sadar Police Station, Shillong hapoh ka NDPS Act.
Ki pulit da suba ki wa kini ki 2 ngut embynta ki wa kiwi hei wow dai drugs ha Shillong.
Du ha uni u snem da em le tylli ki Case kiwa da yoh kem wow pynlai drugs ha Lumsurvey wei kiwa da chah kem da em ki 7 ngut heiwa kiwa boon toh kiwa na Assam.
Discussion about this post