Chah kem ka Sonam chirup wa ki 3 ngut ki bru wa su ko yow tynyap ya u Raja

Ki pulit da kem noh ki ya ka kurim u Raja Raghuvanshi, ka Sonam na Ghazipur, Uttar Pradesh chirup wa ki 3 ngut ki bru kiwa na Madhya Pradesh katwa uwi won dang yut u.

Ka khubor wa da yoh da ong wa ka Sonam da Phone ko cha kiwa ha-yung yong ka wow pyntip heiwon em ko iwa da pynman ya ki wow pyntip ya ki pulit ka Indore, ki pulit ka Indore won da paan yarap na ki pulit ka Ghazipur heiwa ka Sonam da pyndem noh ko ynnin i miet ha ki pulit ka Nandganj Police Station, Gazipur District, Uttar Pradesh.

Kam wow kdaw heini, u Raja wa ka Sonam da wiar ki na Sohra ha ka 23 tarik u Naisan wei da chem ya i metyap u Raja ha ka 2 tarik uni u bnai wei ini da jia i du hapoh chi bnai wa dang dep bia ki.

Neiliang ki pulit ka jylla wa ki NDRF hadooh ynnin dang thooh ki ya ka Sonam.

Related posts

Mih i pyrtuid u Raj Kushwaha kam uwa sooh buit yow pynyap ya u Raja Raghuvanshi

June 9, 2025

Ym ngait u pa ka Sonam wa emkti ko wow pynyap ya u Raja deiwa pynbaad wa leh ki pulit ka Meghalaya

June 9, 2025

Ka Director General of Police ka Meghalaya, ka Idashisha Nongrang da pyntikna ko yei emkti ka Sonam wow tynyap ya u Raja deiwa e nong ha ki bru na Madhya Pradesh wow leh yeini i kaam.

Neiliang u Chief Minister ka Meghalaya, u Conrad Sangma leh da pyntikna u yeini deiwa ong wa hapoh 7 sngi ki pulit ka Meghalaya da jop ki hei takit yei chah tynyap u Raja heiwa 3 ngut ki bru na Madhya Pradesh da chah kem ki wei ka Sonam da pyndem ko wei dang yut sa uwi.

Ya kini ki bru da yoh ki ynne i step synyaaw heiwa uwi na Lalitpur, Uttar Pradesh wa ar ngut won na Indore, Madhya Pradesh.

Ya kini waroh daw wanrah ki cha Meghalaya.