Chah kem kawa na India kawa man kam ka tre yung ha Canada wa joor pyndik ko ya uwa chong wai

Ka tre yung ha Surrey, Canada da chah beiñ bha ko hadien wa poor ki Video wa pynyoo wa mai ko langær ya uwa chongwai khamtam iwi i Video wa dang Barbecue yei doh heiwa da em kiwa kam toh i doh masi.

Kani ka bru toh ka Indian-Canadian.

Katkam wa ong uwa chongwai ini waroh i awri da sdang i neidaw wa Barbecue wei da pynkhreh u wow chet baam (Dinner) ya u lok u wei ka tre yung da kam ko wa sñiawkhia ko yei chngaaiñ i thaw ko neibhah wa tngit ki chram yung nei chet.

Ha i Video da yoo leh wa pyrchang ko wow taan ya ka kor chet kamjooh wow khyllah yei doh charood.

Related posts

Pynkylla ka sorkar ya ki ar tylli ki sngi chuti uni u bnai

October 5, 2026

U yoh ki koidi wa em ha District Prison Jowai da ki Skill Training

October 5, 2026

Kani ka bru da kam ko leh wa mut uwa chongwai wow thang yei yung ko wei da phah ko ya oo wow lai chet cha yung u lok u.

Uwa chongwai da kam u leh wa kani ka bru da pyndooh ko leh ya ka bordiñ ha yung u wei chisien da psiah ko chei thaw sah u heiwa da kawang moo wei tba kti ko leh ya oo.

Kamtæ da pyntip cha ki pulit kiwa da kem noh ya kani ka bru wa tip kam ka Raj Tiwana.

Ki pulit ka Surrey da kyntait ki wa i kem ya ka toh nei ngait niam, i baam doh masi næ iwi i ngait tangwa da kem ya ka toh nei kajia ha yungwai donhi.