15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Chah kem kawi ka Dumper kit mooyong ha Rymbai; chem leh ya ki masi wa suba thmu challan cha Bangladesh

0 Comments

Ynne i step synyaaw heipor kamwa 2:45 katwa dang khang ya i lai i wan ki kari wa ki bru ha chnong Rymbai, East Jaiñtia Hills, da ksoh ya kawi ka truck (Dumper) kawa kit mooyong tooh ha Synrangpohsing, Rymbai. 

Hadien wa ksoh ya kani ka truck da wan mih u tre kani ka kari ya uwa da tip kam u Bravely Dkhar, u khon u S Bareh na chnong Rymbai wa ki lok yong oo wei hadien wa takit ya ki da ekti noh ya ki cha ki pulit wow leh yeiwa emkaam. 

Advertisement ad1

Neiliang ka Dorbar Chnong Rymbai da ong ko wa da leh yeini hadien wa u symbood montri rangbah ka jylla, u Prestone Tynsong uwa da ong wa da khang pyrchah ya i khayi mooyong tooh hapoh jylla wei ya kiwa leh pyrchah daw pynchitom katkam ka aiñ. 

Chooh chooh ka Dorbar Chnong da ong ko wa da chemdien ko wa uni u jooh u bru em u leh hapoh 60 tylli ki masi wow khayi tooh cha Bangladesh heiwa da chem leh wa da tynyap leh ya uwi u masi kyrtong ya uwa da kam ki wa toh wow dai cha ki yaw ki haat. Iwa phylla ya ka dorbar chnong toh wa ini i doh masi ym em de u man i iwa miat wei yoo lakam wa da pyut i. 

Ka Dorbar Chnong da dawa ko leh wa ki pulit toh u thooh tre ki wow chem yeiwa sakhiat neibhah hapyrdi wa em ka Lockdown wei dang joor i sonteri kam heini i por wa em ka khlam u COVID-19 dang em won ki bru kiwa sñiawbha hapyrdi i miet i synyaw. 

Da artatien ko leh hawa yoo yeini iwa chem ka chnong neibhah ki pulit toh ki bor wow pait ya kini ki kaam tangwa man i dei khangtleiñ wei da suba ko wa em iwon iwon cha lyndet yong ini waroh. 

Kani man ko katkam wa pyntip u waheh chnong ka Rymbai, u Justice Lyngdoh wa u Secretary ka chnong, u Blast Used Rymbai.

Previous
Next

0 Comments

Leave a Reply