Hadien wa chem yei metyap ki 5 ngut ki chi yung wa kynthup ya u pa uwa tip kam u Mahesh (37 snem), ka bei kawa tip kam ka Lalita (35 snem), ka khon kynthai kawa tip kam ka Misthi (7 snem) wa ki ar ngut ki khon chynrang, u Laddu (11 snem) wa u Sahkhat (3 snem) heiwa nyngkong da suba toh wa baam ki yei baam wa da sih hadien wa wan ki na kawi ka mela ha ka miet ka 16 tarik heiwa da chem yei metyap ki ha ka 17 tarik na yung wa sah ki wa em ha chnong Nagla Shri Padam kawa dang haap ka Gautam Buddh Nagar District ka Uttar Pradesh wa haap hapoh i pait ka Rabupura Police Station ka Greater Noida.
Kattæ won ki pulit da suba ki wa u pa ka yung da khleh bih u ha u chow wa baam ki hadien wa poi yung ki heipor kamwa 10:00 waje i miet.
Ki pulit da chem ki leh ya kawi ka Audio Recording na ka Phone u Mahesh heiwa da pynbaad u ya ki ar ngut ki chipayu kynthai u wa ya u kong u yeini wa da leh u, kamtæ ki pulit da lai kem ki ya kini wa kynthup ya ka Sunita kawa man ka payu, u kurim ko, u Shekhar wa ka diah ko ka Sapna.
Ka chi payu ka kurim u Mahesh da khana ko wa da em i yaknieh thaw wa da slem bha wa kiwa chipayu u.
Ka Sunita da pyrchang ko wow pynklla pyrtuid yei yung wa sah u Mahesh chei pyrtuid yong ka wei ini da pynkhia ko yei pyrkhat pyrdaiñ u hadooh wa pynkut u yei mynsien ka yung ka sem u.
Ka Post-Mortem Examination da ong ko wa em ki dak ki chin wa chah e bih wei daw tip che manda yoh ya ka Report.
Ki bru ka Forensic Science Laboratory (FSL) deilang ka Food Safety Department leh dapoi ki cha kani ka yung yow pynman yei takit.
Ya ka FIR da booh da u chipayu ka kurim u Mahesh wei ki pulit da pynngat ki hapoh ka Section 108 ka BNS.
Discussion about this post