Chah kem ki 3 ngut ki Bangladeshi deilang wa uwa na India wa yah kari ya ki

Ha ka 1 tarik uni u bnai, ki BSF ka 4th Battalion ka Meghalaya da yoh ki wow kem ya kawi ka kari kawa em le ngut ki Bangladeshi hapoh deilang wa uwi uwa na India uwa yah kari iwa da jia ha khappood ka East Khasi Hills District.

Ki BSF deiwa tip tikna, da yoh ki wow kem ya kawi ka kari Swift Dzire ha ka chnong Umsyiem wa em ha khappood wa ka Bangladesh wei kini ki le ngut kiwa chah kem toh kiwa na Dhaka kiwa da pyrchang wow psiah pychah aiñ cha India.

Ya kani ka kari deilang kini ki Bangladeshi wa uwa yah kari da e kti cha ki pulit ka Pynursla Police Station.

Ha iwi won i liang, ha ka tayaaw wa kut u Thohlakhmi (Feb), 2025, ki BSF da yoh ki wow kem ya kiwa boon ki mar wa da thmu wow chalan cha Bangladesh kiwa chongdor palat Rs. 61 lak.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Ki mar wa da yoh kem toh da ka 144th Bn BSF ha South Garo Hills kiwa chongdor Rs. 41 lak.

Ha iwi won i yoh kem, ki 4th Bn BSF Meghalaya da yoh ki wow kem ki mar wa chongdor Rs. 20 lak na khappood ka West Jaiñtia Hills.

Kini ki mar wa da yoh kem ha West Jaiñtia Hills wa ha South Garo Hills toh kiwa da murieh hapoh ki khloo wa rben hajan wa ka Bangladesh.