Ka Special Cell ki pulit ynnin i janmiet ka 11 tarik da yoh ki wow sa soo ngut ki bru na Umsning, Ri-Bhoi kiwa suba emkti hei tympdung Bomb haka 9 tarik uni u bnai ha Them Iewmawlong, Them Metor.
Na kini ki bru da yoh leh wow kem ya uwi u Bomb Improvised Explosive Device (IED) u wym pu em dep pdung uwa da thmu ki wow tympdung ha Nongpoh.
Ya kini da chem hadien wa lai kynreh wei takit ki pulit yow chem ya kiwa emkti u tympdung Bomb heiwa ki pulit ka East Khasi Hills wa Ri-Bhoi District da pynman ki yei kynreh ha Umsning heiwa da yoh wow kem ya kini ki 4 ngut wei na kini da yoh leh wow kem ya uni u Bomb IED.
Kam wow pynkynmoo wa ha ka 10 tarik da dep wow kem ya ar ngut, u Tarson Lymba na Dawki wa u Evakordor Nongpluh na Shillong wei da phah booh ya ki ha thanat (Police Custody) 10 sngi neibynta wow takit.
Hawa pyrchang wow yaklam wa u SP ka East Khasi Hills, u Rituraj Ravi da kyntait u wow khana iyi iyi, tangwa da ong u wa hadien i jia ha Them Metor, ka takit da lai ko chakhmat wei ki pulit dang thooh ki ya waroh kiwa emkti.
![](https://i0.wp.com/wyrta.com/wp-content/uploads/2024/03/chkmsd.jpg?resize=960%2C540&ssl=1)
Discussion about this post