Ka Customs Division ha Imphal ynnin ka sngi da yoh kem ki 19 tylli ki biskit ksiar wa chongdor Rs. 1.99 klur na ki ar ngut na Imphal International Airport, Manipur.
Mar ya tip wa em i chalan tooh yei ksiar, ka Anti-Smuggling Unit yong ka Airport ha Departure Terminal wa kiwa kreh ka Indigo Airlines da ksoh ki ya ki ar ngut ki bru chirup wa ini i ksiar.
Kini ki ar ngut da tip kam u A Minaketan Sharma (28 snem) na Bhrahmapur Aribam Leikai, Imphal East District,wa u Maibam Priyobrata Singh (32 snem) na Nambol Kongkham Makha Leikai, Bishnipur District.
Ki sahep ka Customs da chem chwa ki 10 tylli ki biskit ksiar wei manda takit bha da chem sa 9 tylli ki biskit ksiar na kini ki ar ngut.
Ini i ksiar toh iwa khia 3.155 Kg wei chongdor i Rs. 1,99,20,664.
Ya kini ki ar ngut da pynngat hapoh ka Customs Act, 1962 wei i takit dang lai i chaphrang.
Discussion about this post