Ka FKJGP Nartiang Area Unit ynne da thoh ko cha ka Montri ka chnat i chait i khiah, ka Dr. Mazel Ampareen Lyngdoh yow dawa pynku kyrdan noh yaka Nartiang PHC cha ka CHC næ cha ka First Referral Unit kamjooh cha ka Sub-District Hospital.
Ka seiñ da ong ko wa kani ka Nartiang PHC toh kawa da seiñ nadooh ki snem 1950 wei da man ko kam ka State Dispensary hadooh u 2001 chwa u pynman ka kam ka PHC ha u Naichiphaw deiwa em 10 tylli ki thaw thiah.
Kani ka PHC toh kawa pait ya 37,295 ngut ki bru wa em ha ki 34 tylli ki chnong wei kamwa man kattæ ka Thadlaskein Block ym em ko kawi leh ka CHC.
Da ong leh wa kamwa man ki kyndon ka Indian Public Health Standards (IPHS), ka Nartiang da PHC da em hok wow pynku kyrdan ka.
Discussion about this post