Chah kem ki ar ngut ki suba dai drugs, uwi na ki uwa kreh sorkar

Jowai : Ki pulit ka Anti Narcotics Cell, Jowai ynne i miet heipor kamwa 9 waje da yoh kem ki ya ar ngut ki bru kiwa suba dai Drugs ha Ynñiawmer.

Da ong wa kini ki ar ngut da wan ki da ka kari kamai na Ladrymbai, heithaw wa yachem ki, heiwa uwi da kynnoh u ya uwi wa wan kit ki ya ini i drugs na Silchar.

Na kini ki ar ngut da yoh ya i drugs Heroine wa em kamwa 7 gram ya kiwa da song hapoh ki vile let wa thylli, ki dabi Golden wa kiwi kiwi.

Da yoh leh ya 2 tylli ki syringe, 6 tylli ki dabi wa song Golden, 3 tylli ki vile wa thylli, 3 tylli ki mobile phone, ka poisa T. 4,900 wa kiwi kiwi.

Related posts

Thooh ki pulit ya kiwa tooh na iwi i dukan

June 6, 2026

Chah slaitbor kawa dang 17 snem kawa kreh ha iwi i yung ha Shillong wei chah beh kreh leh ka bei ko

June 4, 2026

Uwi na kini ki ar ngut toh uwa kreh sorkar pyn hapoh West Jaiñtia Hills.

Neiliang ki pulit ka Anti Narcotics Cell da kyrpaad ki u dam chwa u pynmih ya i pyrtuid wa i dur kini ki ar ngut katwa dang leh ki yeiwa emkaam.

Ki pulit dang pynman ki yei takit hadooh katni yow chem ya ki heh ha kani ka kaam pyrchah aiñ.