15 49.0138 8.38624 1 0 4000 1 https://wyrta.com 300 0
Advertisement ad1

Pyllait u Mukul ya ka Ambulance neibynta ki nongkyndong ha Mendal
Duna i rukom wan i roi i paar cha nongkyndong lada nujor wa cha sor : Mukul

0 Comments
Advertisement ad1
Advertisement ad1

Tura : U Chief Minister ka jylla u Dr. Mukul Sangma ong u wa “katwon dap O dei mynsien wa kmen manda ye u pynman sakhiat ya i yooluti ki paidbah” ha ka yalang wa pynman ha Mendal heiwa da e kti u ya ka Ambulance cha ka Self Help Group Cluster Center ynnin ka sngi.

Kani ka Ambulance toh kawa da sai na ka Chief Minister’s Special Rural Development Fund 2012-13 wei da yooluti u wa daw wanrah ko ki myntoi ya ki paidbah kani ka thaiñ.

Ha kani ka sngi u Chief Minister leh da wai u ya u moo-nongrim yow chna ya ka Community Multi Facility Centre ha Gokolgre hapoh ka Inter-state Border Area Development Programme. Da wai u leh ya u moo-nongrim wow chna ya ki yingkieñ ki nala ha u sarok Bajengdoba – Jangrapara PWD Road hapoh ka RIDF (State Plan 2016-17).

U Mukul da ong u leh wa duna i rukom wan i roi i paar cha nongkyndong lada nujor wa cha sor wei ka sorkar yong oo thmu ko wow pynwiar noh yeini i leh chilliang. Da ong u leh wa ka jylla katni da chait biang ko deiwi wei ka thong toh yow pynman ya ka jylla wa ye ki paidbah u im hei suk hei saiñ khamtam ha ka puræ puthi wa ha ka chait ka khiah.

Da ong u wa hapoh ka jylla waroh pynemkaam i da ki kari yow poi neiwi i thaw cha iwi kamtæ emkaam wow pynbha pynmiat ya ki sarok wei ki yingkieñ toh kiwa emkaam bha cha ri-loom Garo.

Hei yatoh wa ki Multi Facility Centers da ong u wa daw chna ya ki ha waroh ki chnong yow yoh u pynemkaam ya ki wow e sikai ya ki khynroo khyllood wow yarap ya ka mynried yong ki kam ki Coaching Classes wa kiwi kiwi.

Advertisement ad1

0 Comments

Leave a Reply