Ynnin i miet ka 26 tarik, heipor kamwa 07:45, ki pulit ka Umkiang PP hawa kynreh ya ki kari ha Damcherra, Kuliang, NH-6, na kawi ka kari Mahindra KUV 100 wa em No. TR-07B-0422 da chem napoh yong ka ya ki yusong wa da murieh hapoh kari wei da kem ya ar ngut ki bru.
Deiwa bood ya ki kyndon NDPS Act hei emlang kiwa sakhi da chem wa hapoh kini ki yusong da em u bhang wa khia 66.829 Kg.
Heiyatoh wa ini da Register ya ka Case ha Lumshnong PS Case No. 18(3)2023 u/s 21(b)(ii)(c)/29 NDPS Act wei i takit dang lai i chaphrang.
Kiwa chah kem kynthup ki ya u Rabi Debbarma (43 snem) na RM Thakur Para, Ranir Bazar, Jirania, West Tripura-799035 wa u Amarjit Debbarma (19 snem) na Surendra Nagar, Dasherghat Baikunthapur, West Tripura-799211.
Na kini da yoh leh ya ar tylli ki Mobile Phone wa 2 tylli ki Sim Card.
