Ki chijur kiwa kreh pulit ha Tripura da chah kem ki hadien wa poor i Video wa pynyoo rong ya ka poisa da ka kurim ha yung u Constable iwa da pynman ya ki paidbah wow dawa takit ya ki.
Ya kini ki chijur da tip kam ka Menka Debbarma kawa man ka Constable ha Agartala East Police Station wa u Ajit Debbarma uwa man u pulit ka 14th Battalion ka Tripura State Rifles.
Ha i Video da yoo ya ki song poisa wa da booh ha madan wei da yoo ya ka bru wa chong harood ka poisa.
Hadien ini ka Tripura Police da pynman ki yei takit wei da kem ya ki 15 ngut.
Ki pulit da khana ki wa ya kini ki bru da takit wow tip yei tre ka poisa kamjooh leh neiwon mih kani ka poisa wei lada toh kawa yoh deiwa leh ya ki kaam pyrchah aiñ.
Ini i Video da poor bha i ha Social Media iwa da pynman ya ki pulit ka Salema Police Station, Dhalai District wow takit yeini.
U Manchak Ipper, uwa man u Inspector General of Police (IGP) ka Law and Order da ong u wa da Register ya ka Case wei i takit dang lai i chaphrang.
Discussion about this post