Chah kem kiwa chna Facebook Account yow pynpoor khubor chaphang ka GNLA-R

Hadien wa em uwi u bru wa booh ha Facebook haka 22-02-24 wa pyrtuid Goera Pantora Sangma uwa da kam ya idæ kam u Chairman ka Garo National Liberation Army Re-Group deiwa ong wa kani ka seiñ toh kawa em Headquarter ha Tura, West Garo Hills.

Neiliang ki pulit da Register Case ki wut-wut wei da kem ki ya le ngut ki bru da ki pulit ka West wa North Garo Hills wei hadien wa takit ya kini, da phla ki wa ki wa chna ya kani ka Facebook Account “Goera Pantora” yow pynlait khubor chaphang ka GNLA-R.

Kini kiwa chah kem toh kiwa tip kam u Sengsrang N Marak, u Tosengcheba A Sangma wa u Chijang A. Sangma.

Na kini da kem soo tylli ki Mobile Phone, kawi ka Laptop deilang wa ki kot lakdop wa em 82 tylli wa 6 tylli ki kot lakdop ka All Garo Hills Merchants Association (AGHMA).

Related posts

Chah kem u Police Inspector wa baam poisa na u hehspah deiwa maham

January 31, 2026

Yap soo ngut ki khynroo na Assam ha iwi i kamra ha Bengaluru

January 31, 2026

Neiliang ki pulit da kyntu ki ya ki paidbah wa lada tip ki wa dang em chooh ki dkhot ka GNLA-R wow lai pyntip ki cha ki Police Station wa em chajan ki wei yei pyrtuid ki daw murieh ki.