Ki pulit ka Madhya Pradesh da yoh ki wow kem ya ki bru kiwa chna tiar yasiat hadien wa poor iwi i Video wa pynyoo wa sait kawi ka kynthai dei sabon ya ka ki Pistol.
Ini i Video wa da poor bha ha ki Social Media da yoo wa kawi ka kynthai wa sap Saree da pynemkaam ko da u brut wa i sabon yow pyntyrchiah ya kini ki Pistol.
Hadien wa pyntikna wa ini i Video toh iwa sakhiat, ki pulit ka Mahua Police Station da lai ki cha i chnong Ganeshpura tangwa ym chem ki yei thaw wa chna ya kini ki Pistol tangwa da tip ki wa u bru wa tip kam u Shakti Kapoor uwa khut siñ kam u Chhotu hadien wa tip u yeini da pynlang u ya ki tiar ki taar wei da yut u da ka thuk-thuk deilang wa u pa u.
Tangwa da jia wa heipor wa yut da yachem ki wa ki pulit heiwa da chah kdong ki wei da haap noh ki neidaw wa joor i pynhær ki wei da mynsoo ki.
Na kini da yoh kawi ka churia wa em ka suloi ar tang wa ar tylli ki Pistol deilang wa uwi u kuli.
Ki pulit hawa takit da chem ki wa ka bru wa sait toh ka kurim u Shakti wei uwa klam leh heior wa riñ ya ini i Video toh u Shakti hi.
Ya kini da rah hakhmat ka yung bichaar ha ka 12 tarik uni u bnai.
Discussion about this post