U SP ka East Khasi Hills da pyntip u wa ha ka 3 tarik uni u bnai heipor kamwa 7:20 i miet da pyntip u Secretary chnong ka Risa Colony wa em kawi ka khynnah kynthai kawa da chah leh khlem akor hapoh khloo.
Kamtæ ki pulit ka Laitumkhrah PS da lai ki wut-wut cha ini i thaw heiwa da chem wa em kawi ka kynthai wa dang hapoh 18 snem wa uwi u chynrang uwa 18 da lai ki chapoh khloo heipor janmiet heiwa da em 3 ngut ki bru kiwa da wan pynkhor ki kiwa da maham wei da phah ki leh wow su kuna neidaw wa wan ki cha kani ka khloo.
Ar ngut na kini ki le ngut da dat ki ya uni u chynrang wa wanlang waka kynthai katwa uwi won da em u waka kynthai. Neiliang uwa chah dat da kyrpaad u ya ki wow pynlait ka ka kynthai wei u leh u katwa kwah ki tangwa da chah pynbor ki waroh ar wow looid sula ki.
Hadien ini da lute ki ya ki tiar ki taar wa rah kini ki ar ngut wei da pteiñ ki wow dat ya u chynrang uwa da yoh laad wow yut dep tæ lai cha ki yung ki bru wa em ha Risa Colony yow paan yarap.
Heini i por ki le ngut won da pteiñ ki wow jrong kti ya kani ka kynthai.
Hajrong ini, ki pulit da yoh ki wow kem ya ar ngut kiwa na Khliehshnong Malki kiwa emkti ha ini i kaam wei ya sa ya uwi leh da tipmit wei daw kem noh ya oo.
Ya kini da pynngat hapoh ka aiñ POCSO Act deilang wa ka IPC.
