Chah kem kiwa lute ya ka kari wa kit dakha

Ki pulit ka Ri-Bhoi ynne da yoh ki wow kem ya 4 ngut ki bru kiwa emkti wow lute kari hadien wa chah lute kawi ka kari wa kit dakha.

Ini da sdang i nyngkong heipor 1:16 ynne i step synyaaw hadien wa kawi ka kari Bolero Camper wa kit dakha wa yah da u Abu Sadek wa u Md. Dildar Hussain kiwa na Morigoan, Assam da pynsangeh ki ya ki pulit ka Nongpoh kiwa dang lai Patrolling yow khana wa chah lute ki.

Kini kiwa yah ya kani ka Bolero da khana ki wa heipor wa lai luti ki cheiliang ka Nongpoh, da wan kawi ka kari Alto wa em Number AS01-FN-4202 kawa da pynsangeh ki ha Shangbangla wei da chah dat ki ha ki bru wa wan da kani ka kari kiwa da tooh ki leh ya ki Mobile Phone deilang waka poisa ki.

Neiliang ki pulit da pyntip ki cha kiwi ki pulit wa dang lai Patrolling, wei hadien da chem ya kani ka kari Alto hajan Pahamsyiem heiwa u SI S.R. Marak deilang wa ki bru u da kdong ki ka kani ka kari wei da yoh wow ksoh ka manda poi hajan ka Treasury Office wei da kem ya u Ricky Tangsang katwa uwi won uwa tip kam u Mustafa Lyngdoh da yoh u wow yut.

Kamtæ da thung da ka Special Team wei deiwa ya krehlang wa ki CRPF da yoh wow kem ya u Mustafa Lyngdoh wa kiwi won ki arngut deilang wa kawi ka kari Baleno rong lieh ka wym pu em Number Plate wei da chem leh ya ka poisa kawa Rs. 6750 na kini wei da yoh biang leh ya ki Mobile wa tooh ki.

Ki pulit da pyntip ki leh wa ha ki 2-3 bnai da yoh boon ki ujor na ki bru wa em ki damok wa lute wei dat ya ki kiwa lai luti.

Waroh kiwa chah kem man ki kamni: