Heiyatoh wa i chah slaitbor kawi ka kynthai ha Shillong heiwa da poor i Video ha WhatsApp ya iwa jia yaka deiwa riñ dur da kini kiwa leh ya ini i kaam, neiliang ki pulit da kem ki ya waroh soo ngut kiwa da chah pynbaad wa emkti ha ini wa jia.
Kini kiwa chah kem toh kiwa tip kam u Modify Dkhar (20 snem), u Trustful Dkhar (20 snem) u Emkilang Shyrmang (18 snem) wa uwi uwa dang hapoh 18 snem kiwa na East Jaiñtia Hills.
Kani ka kynthai da pyntip ko wa hadien wa da dep e FIR, kini da kwah ki wow paan maap na ka tangwa ka da ong ko wa ym ye de u maap neibhah ymtip de ki hadooh katwon da ktah ya ka na ini wa jia.
Ini toh iwa da jia ha u Naikhynde, 2023 ha iwi i yung wai heiwa kani ka bru da yapler ko hadien wa dih ko ya iwa da e da uwi na kiwa tipmit ko uwa jooh yaleh PUBG Mobile Game ki hadien wa dih chah step ha yung uni uwa da wan thooh ka manda dep ki u yaleh PUBG hadooh 5:00 waje i step.
Hadien wa khyrngiat ko hadooh i por sngi da phylla ko kammon yoh thiah sang ko wei da kylli ko na kini lada leh ki iyi iyi yaka kiwa da kyntait yeini wei ka leh da chem ko wa ki sula wa sap ko neh ki kamjooh wei ym em leh iyi iyi i kjut doh ko.
Tangwa ha uni u bnai hadien wa poor i Video wa jia ya ka, da tip ko yeiwa chah slaitbor ko wei da e FIR ko pyrchah ya kini.
Discussion about this post