Ka 193 Bn ka BSF Meghalaya deilang wa ki pulit ka Meghalaya da yoh ki wow kem syndon da ka Bus kawa kit hapoh kamjooh hajrong da ki that, ki sula, ki riam kiwa chongdor T. 9 lak kiwa da thmu wow chalan tooh lyngba ki khappood ka East Khasi Hills waka Bangladesh.
Ya ini da yoh wow kem ha ka 31 tarik u Naisaphra.
Ynnin ka 1 tarik won da yoh wow kem 3100 tylli ki klong dawai Phensedyl deiwa ya krehlang ka 181 Bn BSF wa ki pulit ka Meghalaya kiwa da thmu wow chalan tooh cha Bangladesh lyngba ka West Garo Hills.
Ynnin hi, ka 172 Bn BSF wa em ha East Jaiñtia Hills da yoh ki wow kem ya 15 synduk i kiad wa 32 churia i chini na ka thaaiñ Umkiang kiwa da thmu wow chalan tooh cha Bangladesh.
Kini ki mar toh kiwa da kit ha ki ar tylli ki kari Bolero Pick-Up wei da kem ya 3 ngut wa kynthup ya kwi ka kynthai.
Discussion about this post