Jowai: Hadien wa ki pulit ka EJH da yoh kem ki 19 ngut ki nong Nigeria wa le ngut won da ki pulit ka WJH, da yoh kem won le ngut ki nong Nigeria na kawi ka Bus Night Super ha Churaibari, Assam kawa em khappood waka Tripura.
Kiwa chah kem da tip kam Nnaemeka Chinon-so Feix, Igneus Okafur wa Igunbor Dopis wei ka takit dang lai ko chakhmat yow tip kammon psiah ki chapoh ka ri India.
Ha iwon tawon wa jia, ki pulit ka Assam deilang wa ki Assam Rifles Unit, da kem ki ya ki arngut ki khynroo kiwa na Panighat, Karimganj kiwa tip pyrtuid kam u Bahar Uddin wa u Motlub Ahmed wa da suba toh kiwa dai drugs wa kiwa dai tiar siat ha Abdullapur Nilambazar, Karimganj.
Na ki da yoh kem yaka Pistol wa chna ha England deilang wa ki Yaba Tablets haka 2 tarik uni u bnai.
Discussion about this post