Katkam ka yutip wa da yoh, da ong wa ki pulit da yoh buit ki wa uwi u bru wa suba uwa khayi drugs, u Raju Dkhar daw lai u cha Kalain (Silchar), Assam wow wanrah drugs.
Kamtæ ki pulit ka ANTF ka East Jaiñtia wa na ka Umkiang PP hapoh i yahkhmat u DSP (Crime) u B. Bhattacharjee da yangkhap ki ya uni u bru wa ki lok u.
Manda yoh u pynsangeh ki wei da kynreh ya ka kari ki da chem 7 tylli ki khieh sabon wa em Heroin wa khia 75 gm.
Manda takit ya u Raju Dkhar da khana u yei pyrtuid u Jop Siangshai uwa da pynbiang poisa wei wow chimkti ya kini ki khieh sabon wei da kem noh ya u Jop leh na Khliehriat.
Heiyatoh wa ini da Register ya ka Case ha Lumshnong PS wei dang takit ki pulit ya ini i kaam.
Ki tiar wa da kem ynne kynthup ki ya kini hawah:
75 gms i Heroin, ka kari Maruti 800 wa 4 tylli ki Mobile Phones.
Kiwa chah kem toh u Raju Dkhar wa khut leh kam u Precious uwa 39 snem na chnong Suchen Lumjarain, u Lamphrang Kyndait uwa 42 snem na Sabah Muswang wa u Jop Siangshai uwa 45 snem na Moolamanoh.
