Ki ar ngut ki bru kiwa e FIR deilang wa ar ngut kiwi da chah kem ki ha ki pulit hadien wa sooh buit ki wow tooh naar rot deiwa leh kamwa chah lute ki.
Ar ngut na kini kiwa tip kam u Deibormi Mukhim wa u Robert Shadap ha ka 9 tarik uni u bnai da lai e FIR ki deiwa ong wa ha ka 8 tarik ka Truck 12 chaka yong ki kawa em Number NL-01K-6051 kawa kit naar rot kawa heipor wa dang pynyieñ ki ka ha Mawryngkneng ha u sarok Bypass da em 4 ngut ki bru ki wym tipmit ki kiwa rah tari kiwa da psiah yabor chapoh kani ka Truck heipor kamwa 8:50 i miet wei da taan ki ki cha lait chapoh kawi ka kari Maruti Alto 800 ka wym em Number.
Da ong ki leh wa hapoh kani ka kari da em leh sa uwi u bru wa yah ya ka Truck wa em Number ML-05T-3858 uwa da chah ksoh lang wa ki wei da pynlait ya ki hei step ka 9 tarik ha Pynursla.
Ki pulit hawa pynman ya ka takit da chem ki wa u Deibormi Mukhim wa u Robert Shadap da dep ki wow pynbait chwa wow pynhaap ya kini ki naar rot ha Pommura wei da pynkit won ya kini mar hapoh ka Truck wa em Number ML-05T-3858 wei ya kini ki naar rot da chem na chnong Laitkyrhong wa na chnong Jongksha kiwa khia kamwa 18.5 Ton kiwa chongdor Rs.9-10 lak.
Ka Truck 12 chaka (NL-01K-6051) kawa da kam ki kawa da chah rah da chem ka na chnong Mukhla katwa ka Truck ML-05T-3858 kawa kit ya kini ki mar da chem ka na 7th Mile Baniun, Upper Shillong.
Kamtæ ki pulit da kem ki ya u Deibormi Mukhim (40 snem), u Robert Shadap (25 snem) kiwa e FIR neitæ u Babiangbor Mylliem (38 snem) wa u Shopstarwell Jana (35 snem) wei da pynngat ya ki hapoh ka kyndon 309 (4)/137 (2) ka BNS.
Ki pulit da pyntip ki wa ka takit dang lai ko chakhmat.
Discussion about this post