Chah kem sa uwi u Bangladeshi ha ki BSF

Ki chipai ka BSF da yoh biang ki wow kem sa uwi u Bangladeshi uwa da psiah tooh cha Meghalaya ha ka 3 tarik uni u bnai.

Ya uni u bru da yoh wow kem da ka 04 Battalion BSF heipor wa psiah tooh u cha India heiwa hadien wa kem ya oo da chem wa i pyrtuid u toh u Md Amdadul Haque uwa na Narayanganj District ka Bangladesh.

Na uni u bru da chem leh ya ka poisa Bangla wei da e kti ya oo cha ki pulit ka Pynursla Police Station.

Kam wow pynkynmoo ha ka 2 tarik da yoh wow kem ya 5 ngut ki Bangladeshi kiwa wan na Chennai deiwa thmu wow psiah tooh cha Bangladesh lyngba ka West Garo Hills.