Chah kem sa uwi wa man kam u heh wa pynlait tooh ya ki Question Paper ka NEET-UG 2024

U Ravi Atri uwa da chah pynbaad kam i jabieñ yow pynlait tooh ya ki Question Paper ka NEET-UG 2024, da chah kem u ha ki pulit ka Uttar Pradesh Special Task Force (STF) hapyrdi i pynman yakhih pyrchah ha kylleiñ ka ri wow pynman yei takit heiyatoh wa kani ka Exam.

U Ravi toh uwa na ka chnong Neemka wa em ha Greater Noida wei da em u hapyrdi wow pynmih boon ki daw wym chaniah ya kani ka Exam yow yoh lai puræ Doctor hapoh ka ri.

I sdang wow artatien ya kani ka Exam toh hadien wa em 67 ngut kiwa yoh 720/720 ha kani ka NEET-UG Exam heiwa ha kiwi ki por jooh em 4-5 ngut donhi. Neiliang ka National Testing Agency (NTA) da ong ko wa ini da jia neidaw wa e Grace Marks neibhah wa em boon i thut wei pynsepai yei por hawa pynman ya kani ka Exam kam hei saam ya ki Question Paper.

Kam wow kdaw heini wa ki pulit ka Bihar da dep ki wow kem ya kiwa yaleh ya kani ka Exam kiwa da yoh chwa ya ki Question Paper chi sngi chwa wow pynman ya kani ka Exam heiwa da ong ki leh wa i takit da chem wa em du ki kattu katni kiwa yoh ya kini ki Question Paper chwa wow pynman Exam.

Related posts

Sangeh yakhih ka MCTODA | Da e por ya ki karkhana Coke 10 sngi

May 9, 2025

Siat ka Pakistan ya ka skur wa pynlai da ki Nun hadooh wa yap ar ngut ki khynnah

May 9, 2025

U Ravi Atri toh uwa da bna wow emkti hei pynlait tooh ya ki Question Paper hapoh ka ri wei da em ki por wa da leh u yeini hadooh wow booh ya ki Question Paper ha ki Social Media deiwa ya krehlang wa ki bru wa tip kam ki ‘Solver Gang’. Kini ki kaam u Ravi toh kiwa da jia nadooh u snem 2012 wei da chah kem u leh ha ki pulit ka Delhi Police Crime Branch yeiwa chah pynbaad u wa emkti u wow pynlait tooh ya ki Medical Entrance Exam Papers.

I chemdien ya u Atri ha kani ka kynti toh deiwa takit ki pulit ka Bihar ya kiwa yoh ya kini ki Question Paper deilang wa kiwa pynyoh heiwa da mih i pyrtuid u Atri heiwa da lai kem ya oo.

U Atri ha u snem 2007 kam uwa lai puræ, da pynkhreh u yaleh Entrance deiwa lai Coaching ha Kota, Rajasthan heiwa ha u snem 2012 da yoh u wow lai puræ ha PGI Rohtak, tangwa ym em da yaleh Exam u manda poi u ha ka Fourth Year wei da ngait wa da ya tipmit u wa ki ‘Exam Mafia’ wei da lai yaleh Exam u leh heithaw kiwi kamjooh da pynyoh u leh ya ki Question Paper wa pynlait tooh cha kiwa yaleh Entrance.

Puræ leh: Phla ki 4 ngut wa yoh ya ki Question Paper chwa wow pynman ya ka NEET-UG 2024