Jowai : Katkam ka khubor wa da yoh na ki pulit da ong wa ha ka miet 11 tarik heipor kamwa 11 waje i miet hadien wa yoh yutip wa tikna ki wa em ki damok wa thmu u lute na Lad Rymbai (EJH), ki pulit da lai ki cha ini i thaw heiwa da chem ya kawi ka Maruti Alto wa em u No. ML-11-0703.
Hapoh kani ka kari da em soo ngut ki bru kiwa da tip kam u Emlang Langstang, u Return Lyngdoh, u Earness Syngkon wa u Sikai Chuh.
Na kini ki pulit da yoh ki ya ki tari wa ki tiar pynmynsoo na kini ki bru.
Heiyatoh wa ini ki ki pulit da li kynreh ki ya iwi i thaw dai nar jæd yong u Md. Jayuk Uddin wa em ha Lad Rymbai, Datsympein heiwa da chem ki kawi ka suloi SBBL No. 20731-08 chirup wa phra tylli ki kuli.
Na ini i thaw dai nar jæd da kem sa soo ngut ki bru ya kiwa kreh Md. Ahmed Ali, u Md. Zur Uddin, u Md. Majrob Ali wa uwi u khynnah wa 13 snem i rta.
Discussion about this post