Jowai : Ka Bharatiya Janata Party- West Jaintia Hills District (BJP-WJH) ynne ka sngi da leh warom ko yeiwa dap ar snem wa synchaar ka sorkar NDA hapoh i yahkhmat u Narendra Modi.
Ya ini da leh ynne ka 15 tarik ha yungwalieh ka Dulong, Jowai heiwa daw em leh ka yalang paidbah.
Ha kani ka sngi da wan sakhi da ki spah ngut ki paidbah na kylleiñ ka West Jaiñtia Hills.
Ha kani ka sngi kiwa ksoh kaam ka Party yong ka jylla da wan ki heiwa da pynsñiaw ya ki scheme waphær waphær ka sorkar NDA ha kini ki ar snem.
Ya kani ka yalang ynne ka sngi da pyllai da u President ka seiñ ha West Jaiñtia Hills u ma J.G. Kyndiah, hei emlang ka President Mahila Shillong East ka Easter Kharbamon, u President BJYM Meghalaya u Egenstar Kurkalang, u Spokesperson ka BJP Meghalaya u Basu Chakraborty, u Org. Secy. Khasi Jaiñtia u ma Lamsalanki Pariat.
U Basu Chakraborty hei klam yong oo da ong u wa ka seiñ BJP ymtoh man ko ka party niam Hindu tangwa ka seiñ ya waroh lang. Heijooh i por da ong u wa man ko ka party yong ka ri wow wanrah yei roi i par liang wanang.
Ynne ka sngi da batai ya ki scheme waphær waphær yong ka sorkar NDA kam ka Prime Minister (PMSBY), ka Pradhan Mantri Jeevan Jyoti Bima Yojana (PMJJBY) ka Atal Pension Yojana (APY), ka Mudra Loan wa kiwi kiwi.
Hachwa u kut da yoh ya ki kyntien e khublei na u Vice President ka BJP-WJH u Reviveme Lyngdoh.
Discussion about this post