Heiyatoh wa i chah tynyap deiwa chah khrai khlieh wei chah ah lyngkhot u Omega Myrthong uwa na ka chnong Mawlaingut heiwa yei metyap da chem na rood ka Umiam ha u bnai wa dep, neiliang ki pulit da yoh ki wow kem ya soo ngut ki bru kiwa da suba wa emkti ha ini i kaam.
Katkam wa pyntip ki pulit, nyngkong da kem chwa 3 ngut ha ka 1 tarik wei sa uwi won da kem ha ka 2 tarik uni u bnai.
Kini ki bru ha ka miet ka 26 tarik u Thohlakhmi (Feb) da rahbor ki ya u Omega wei da tynyap ki oo ha Pomlum View Point wei yei metyap u da ah ki harood ka Umiam deiwa kit ya oo da kawi ka kari Bolero Pick-up.
Ya kani ka kari deilang wa ki that ki nep u Omega da chem ynnin ka sngi deiwa lai pynyoo kini kiwa chah kem heiwa ya ka kari da murieh ha i khloo wa em ha Dewsaw Krang katwa ya ki that won da murieh ha ki khloo wa em ha Nongpathaw.
I daw wa jia ini toh hadien wa da mih i ya awri hapyrdi kini hadien wa da ya muaid ki wei manda liwan u Omega samen, da rah yabor ki oo wei tynyap syndon ki oo.
Kam wow pynkynmoo wa ha ka 7 tarik u Wisu da chem nyngkong yei khlieh bru harood ka Umiam, hadien won ha ka 8 tarik da chem ya ka kti na rood um wa sa i metyap wa da tlep harood ka Umiam hi.
Puræ leh: Da chem sa i metyap napoh thlu waka kti na rood Umiam hadien wa chem yei khlieh
Puræ leh: Dei khlieh bru wa da tkut nei doh chem na rood ka Umïam
