Chah kem soo ngut kiwa suba wa lute kari na Jowai-Amlarem wei uwi na ki toh u dkhot ka seiñ CRJM

Jowai: Ki pulit da pyntip ki wa ynne i step heipor kamwa 2:30 da em wa pyntip cha ki wa em ki bru kiwa da uiñ da ka kawi ka kari kamai Tourist Taxi kiwa pynman yei kynreh kari khamtam ya ki truck wei ki pulit hei yahkhmat u SDPO Amlarem u Jason Mairom da lai li kem ki ya kini ki soo ngut ki bru wa tip kam u Damut Bang (38 snem) na Mukhla, u Wandahun Suchiang (28 snem) na Nongkynrih, u Thermalki Susngi (27 snem) na Nartiang wa u Pyndapbor Rymbai (30 snem) na Nartiang.

Ki pulit da suba ki wa kini ki bru toh kiwa khrong poisa na ki truck deiwa kam wa wan sylli ki ya ki truck yow chem ya kiwa kit masi dei thmu wow chalan tooh ya ki.

Chooh chooh ki pulit da suba ki wa kini ki jooh ki bru toh kiwa emkti wow pynsangeh truck yow khrong poisa na ki ha ki thaiñ Leskha.

Ya kini ki soo ngut da kit cha Amlarem PS wei da pynngat ya ki hapoh ka syndon Section 110 ka aiñ Meghalaya Police Act wei da yah ya ki ha khmat ka yung bichaar.

Related posts

Yoh kem ki paidbah ya le ngut kiwa suba tooh kari

February 13, 2026

Chah dung uwi ha Sahsniang

February 11, 2026

Uwi na kiwa chah kem u Wandahun da kam u wa toh u dkhot ka seiñbhalang kawa tip kam ka Confederation of Ri Jaintia Movement (CRJM) wei heipor wa kem ki ya u Pyndapbor Rymbai ymbien u wow lai dei suk wei da mih ka yaleh wei da pat u ha sarok heiwa da mynsoo u malu mala wei da chem wa da muaid u wei da kit noh ya oo cha Nongtalang CHC yow e First Aid.

Ka kari wa pynemkaam kini ki soo ngut toh kawa em ya u number ML 04 C 5676.