Ynne hadien wa da tip deiwa tikna wa daw em kawi ka kari Santro wa em ya u Number Tripura toh kawa kit yei jait dih wa man pyrchah aiñ wei daw wan ko neiliang Umkiang cheiliang Khliehriat.
Neiliang ki pulit ka East Jaiñtia Hills da pynsangeh kari ki ha Umtyra wei da yoh ki wow ksoh ya kani ka kari Santro wa em Number TR-04A-0254 kawa chong da soo ngut ki bru wa kit ya u bhang wa khi 51.03 kilo.
Kini ki ki soo ngut wa chah kem da tip kam u Amit Mog (29 snem) na Panisagar, North District Tripura, u Rajesh Kumar Keang (33 snem) na West Tripura, u Babu Mog (38 snem) na Panisagar, North District Tripura wa u Sanjit Debarma (42 snem) na West Tripura.
Najrong u bhang wa 51.03 kilo da kem leh ya 5 tylli ki Mobile Phone, ka poisa wa T. 13,540 deilang wa kani ka kari.
