Heiyatoh wa iwa da jia ha ka 19-07-12 heipor 10:30 i miet heiwa da em 5 ngut ki dkhot ka GNLA kiwa da rah lang wa ki suloi kiwa yahkhmat da u Laden Sangma uwa khut siñ kam u Chenang kiwa da lai cha i yung u Denybirth Momin wa em ha chnong Resu Mepan Abri wei da siat yap ki oo pyn ha lait i yung u deiwa sakhi ka kurim u deilang kiwa emyatoh u deiwa pynbaad ya u Denybirth wa man u kam u Police Informer.
U Denybirth toh uwa sikai skur wa bna naam ha ka Science wa Maths uwa kreh ha Resubelpara Higher Secondary School.
Hei wan takit ki pulit da chem ki 4 tylli ki tadong kuli dep siat ka suloi AK, ar tylli ki tadong kuli 9mm wa dadep siat wa kawi ka chithi ka GNLA wa soi da u GNLA Area Commander, kiwa da kitkhlieh yeini i pynyap bru.
Yeini da takit da ki pulit ka Mendipathar Police Station ka North Garo Hills District tangwa da sahkut ko da boon snem neidaw wym em wa nood u wan chakhmat wa joor tieñ ki. Hanla kattæ leh ka takit da lai ko chakhmat wei hadien wa da yoh ki sabut wa biang, da lai kem ya u Laden Ch. Sangma na Baghmara, South Garo Hills District ha ka 27 tarik uni u bnai.
Hawa takit ya uni da chem wa oo man u kam uwi na kiwa nyngkong dooh wa chah sikai ha ka GNLA ha i thaw wa tip kam i Durama Hills wa em ha Garo Hills.
Ha u snem 2012 da man u kam u kam u Area Commander ka Northern Zone. Wei chwa u psiah u cha ka GNLA, da kreh u kam uwa dai wait dai stieh Garo, ki kpieñ, ki khadu tynre deiwa lai na kawi ka chnong cha kawi.
Ha kawi ka sngi da yachem u wa u Sohan D. Shira uwa man kam uwa seiñ ya ka GNLA kamjooh u dkhot warim ka ANVC ha i chnong Nengmandalgre. Wei hadien ini da yachem u wa u Sohan D. Shira boonsien.
Deiwa pynchlur u Sohan D. Shira, u Laden Ch. Sangma deilang wa 15 ngut da psiah ki cha ka GNLA hapoh i yahkhmat u Sohan D. Shira.
Discussion about this post