Ki pulit Special Squad ka Assam wa kynthup ya ki pulit ka Basistha PS, Guwahati da yoh ki wow kem ya ka poisa thok (Fake Indian Currency Notes) wa chongdor T. 15 lak hadien wa ksoh ki ya ka kari Bolero wa em ya u Number ML07B7998 hadien wa da yoh yutip wa bniah ki.
Hadien wa kynreh ya ka kari da chem ya ka yukong poisa thok wei da kem ya le ngut.
Kiwa chah kem kynthup ki ya u Champion R Sangma (46) uwa man kam u Chairman warim ka GLNA uwa na Songsak, EGH Meghalaya uwa da yoh ya kani ka poisa thok kawa T. 15,00,000 heiwa na kani ka poisa da em T. 10,000 ka poisa wa sakhiat katwa kiwa sah toh ki poisa thok. U Champion da pyntip u wa da su u T. 3,50,000 cha uwi u bru wa tip pyrtuid kam u Poresh Das wa u Bijay Das ha Kamrup Petrol Pump yow yoh T. 15,00,000 ka poisa thok.
Da kem leh ya u Gohanch Sangma (36) uwa na Songsak wa u Cherian Momin (28) na Tura heiyatoh wa ini i jooh i kaam.
Hawa takit, kini ki 3 ngut da pyntip ki wa da em ka kaam chna poisa thok hapoh ka thaaiñ North East.
Puræ leh: Phah pyllait ka Supreme Court ya u Champion Sangma
