Ki pulit ka West Jaiñtia Hills hadien wa yoh ki ya ja yutip wa tikna, ha i janmiet ka 19 tarik da yoh kem ki ya uwi u dkhot ka seiñ kieñ suloi ka National Liberation Front of Bodoland (NLFB) najan Amlarem, West Jaiñtia Hills.
Uni u dkhot ka NLFB toh uwa tip pyrtuid kam u J. Daimari wei da jooh emkti u ha ki kaam damok kam i rahbor, tynyap bru wa kiwi kiwi ha East Jaiñtia, West Jaiñtia wa Ri-Bhoi District.
Katkam ka yutip wa da yoh da ong wa u Daimari da wan u da kawi ka kari khian chirup wa ki ar ngut kiwi tawon na liang Leshka wei ki pulit da pynyang ki ya ka Mobile Check Post wei manda yoo ya ka, da tyrrah ki ka wei da yut ki.
Manda poi rap chaphrang da ieh ki ya ka kari wei da yut ki wei hadien i yakdong, ki pulit da yoh kem ki ya u Daimari katwa kiwi ki lok u da yut ki.
Ym em kiwon kiwon ki tiar wa yoh na oo wa na ka kari wei katni da ekti ya oo cha ki pulit ja Ri-Bhoi wow leh ki yeiwa emkaam.
