Ki pulit ka East Garo Hills da yoh ki wow kem ya u dkhot warim ka ANVC-B kawa man ka seiñ kieñ suloi na Garo Hills kawa da wiar noh hadien i yaklam yasuk ha u 2015.
Na uni u bru da yoh leh wow kem ya kawi ka Pistol kawa ym em License wei da thooh ya oo da ki pulit hadien wa tip tikna yeini wei da kem ya oo na chnong Baringgre ynnin ka sngi.
Uni u bru toh uwa tip kam u Mexbal K. Marak (44 snem) uwa khut sin leh kam u Menil wei kani ka Pistol wa yoh u kem na oo toh ka 7.65mm kawa chna ha China.
Da chem leh wa uni u bru toh uwa da psiah kam u dkhot ka ANVC-B ha u snem 2008 wei da wan pyndem u heipor wa em i yaklam yasuk ha u 2015.
Ini da jia i leh hadien wa chem boon ki tiar yasiat hapoh ka East Garo Hills ha kini ki sngi wa dep heiwa da chem hadooh 100 tylli ki kuli wa ki Mortar Shell ki yong ka GNLA na iwi i khloo ha Rongjeng.
Discussion about this post