U bru uwa tip kam u Kyrshan Lamurong (34 snem) uwa na chnong Tongseng, Nongkhlieh uwa da wiar nadooh ka 15 tarik u June, 2026 deilang ka kari wa thymme u ka S-Presso heipor wa dang liwan u cha chnong u tangwa ym em de poi yung u, da chem yei metyap u na kawi ka krem mooyong wa em ha Rymbai (Dongkon).
Hei takit ki pulit nyngkong da chem ki ya uwi u bru ynnin ka sngi uwa em ha thaaiñ Lumshnong uwa tip kam u Tensing Dkhar (34 snem) uwa tip leh kam u Arki heiwa i chnong tre u toh na Mulait Sumer.
Hadien wa takit ya uni u da lai kem sa ar ngut kitæ u Kumar Narman (44 snem) wa u Joysharon Barman (38 snem) kiwa chong wa sah ha yaaw Cement, Umpleng heiwa u Kumar toh uwa na Kokrajhar, Assam katwa u Joysahron toh uwa na Chirang District ka Assam.
Kini da phla ki wa da pynyap ki ya u Kyrshan wei da noh ki yei metyap u ha kawi ka krem mooyong wa em ha Rymbai (Dongkon). Kamtæ da khut ya ki bru ka SDRF wa SRT yow lai sai yei metyap heiwa da chem leh ya ka ID ka bei u Kyrshan na oo.
Ya ka kari u Kyrshan da murieh ka ha thaaiñ Mawkyrwat wei da pyntip cha ki pulit ka Mawkyrwat yow leh ki yeiwa emkaam.
U Kyrshan toh uwa em 6 ngut ki khon wei i chnong tre u toh na Kseh wei da chongkha u ha Tongseng, Nongkhlieh wei chwa wow wiar u, da Phone u cha ka kurim u heipor 6-7 waje i miet deiwa ong wa dang liwan yung u.
Ya ka Post-Mortem da leh pyn ha ini i thaw wa chem ya u Kyrshan wei da e kti yei metyap cha ka yung ka sem.
Discussion about this post