I baam-tooh toh iwi na i kaam wa ktah ya ki sorkar jylla hapoh ka ri, heiyatoh wa ini ynne ka sngi ka chnat pulit ka jylla Assam wa pait ya ini i bynta namo ka Vigilance & Anti-Corruption (V&AC) da ieñ ki ya uwi uwa kreh Head Assistant (HA) u Bipin Kalita ha ka yung krehkaam u Joint Directorate of Health Services ha Mushalpur, Baksi District ka jylla.
I ieñ ya u Bipin toh hadien wa yoh ka V&AC ya ka ujor wa dawa poisa u T. 5,000 khnang wow pyllait ya ka bai baam-tymme (Pension) yong kawi ka ANM.
Neiliang u DGP ka Assam, u GP Singh da ong u wa da kem ya uni u bru khnang wow leh yeiwa emkaam katkam ki kyndon ka aiñ.
Ya u Bipin da pynngat ha ki kyndon aiñ Prevention of Corruption Act, 1988.
