Chah kem u heh ka TMC hadien wa chem ya ki moo wa man Radioactive deilang ki kot ka DRDO

Ki pulit da kem ki ya uwi u bru na Darjeeling District ka jylla West Bengal hadien wa chem ya ki kot wym toh u lait paidbah (Confidential) yong ka Defence Research and Development Organisation (DRDO) chirup wa ki moo wa man Radioactive ha ka 28 tarik u bnai wa dep.

Ya uni u bru da tip kam u Francis Ekka, u heh ka TMC wei uwa man u kurim ka Amrita Ekka, ka heh yong ka TMC na Naxalbari Panchayat Samiti.

Ya u Francis da kem na chnong Belgachi wa em ha Naxalbari Block dei ya krehkaam ki chipai wa ki pulit ka West Bengal Police.

Uwi u heh pulit da ong u wa da chem ya ki kot wa man Confidential yong ka DRDO wa ki moo Radioactive wa tip kam u Californium na uni u bru heiwa ymye u wow batai che neiwon yoh u ya kini ki kot wa ki moo.

Related posts

Nadooh 11 tarik u sdang pep skur kiwa sikai KJDSTA khlem da booh por

November 9, 2026

Hadooh ha pchem skur poi kiwa dai drugs katni, ong u papun wa dooh noh ya u ksu hei chah Inject drugs ha Shillong

November 9, 2026

Chi gram kini ki moo Californium toh uwa chongdor Rs. 17 klur.

Ya u Francis da kem noh neibhah wa em u ya kini ki moo kamjooh ki kot wa emkaam ka DRDO wei da suba wa ye u wow emkti wa ki bru næ ki seiñ na baar ri.

Neiliang ki pulit da khang ki sbak ya i yung wa chem ya kini ki moo.