Chah kem u heh ka TMC hadien wa chem ya ki moo wa man Radioactive deilang ki kot ka DRDO

Ki pulit da kem ki ya uwi u bru na Darjeeling District ka jylla West Bengal hadien wa chem ya ki kot wym toh u lait paidbah (Confidential) yong ka Defence Research and Development Organisation (DRDO) chirup wa ki moo wa man Radioactive ha ka 28 tarik u bnai wa dep.

Ya uni u bru da tip kam u Francis Ekka, u heh ka TMC wei uwa man u kurim ka Amrita Ekka, ka heh yong ka TMC na Naxalbari Panchayat Samiti.

Ya u Francis da kem na chnong Belgachi wa em ha Naxalbari Block dei ya krehkaam ki chipai wa ki pulit ka West Bengal Police.

Uwi u heh pulit da ong u wa da chem ya ki kot wa man Confidential yong ka DRDO wa ki moo Radioactive wa tip kam u Californium na uni u bru heiwa ymye u wow batai che neiwon yoh u ya kini ki kot wa ki moo.

Related posts

Da wan chimkti yei metyap uwa chah tyrrah ha Ialong katwa uwi won da em hapoh ICU ka Civil Hospital

June 30, 2025

Yap uwa uiñke suwari uwa tlær heipor wa chondur ha ka kchaaid Rongkusi

June 30, 2025

Chi gram kini ki moo Californium toh uwa chongdor Rs. 17 klur.

Ya u Francis da kem noh neibhah wa em u ya kini ki moo kamjooh ki kot wa emkaam ka DRDO wei da suba wa ye u wow emkti wa ki bru næ ki seiñ na baar ri.

Neiliang ki pulit da khang ki sbak ya i yung wa chem ya kini ki moo.