Ki pulit ka Ri-Bhoi District da kem noh ki ya u President ka Ri Bhoi Youth Organization (RBYO), u Baiateilang Lapang hajrong i pynbaad wa emkti wow dawa poisa na ka thaiñ Byrnihat.
Neiliang u Superintendent of Police ka Ri-Bhoi District, u Giri Prasad da pyntikna wa ya u Lapang da kem ynnin i janmiet ka 9 tarik.
Katkam wa khana u SP, ya u Baiateilang Lapang da rah yow takit hawa yatoh wa i pynbaad wa dawa poisa na kawi ka Petrol Pump kawa em ha Byrnihat, wei da Register Case ha Nongpoh Police Station ha ka Case Number 124(11)2023 hapoh ka Section 384/506/34 yong ka IPC.
Katkam ka khubor wa da yoh lum, ya u Lapang da pynkit ynne i janmiet cha nongbah Shillong hadien wa da dep leh ya ka Medical Check-up ha Nongpoh Civil Hospital, wei katkam ka khubor na ki pulit da khana wa i rah ki pulit ya uwa yahkhmat ka RBYO cha Shillong toh yow takit hajrong i chah pynbaad dawa poisa ha East Khasi Hills.
Kam wow kdaw heini wa u Lapang man u leh u Chairman ka Joint Action Committee yong ki seiñ wa pyrchah yow pynkut ya ka tamasa Cherry Blossom ha ka sngi Sunday.
Discussion about this post