Chah kem u Melin uwa thmu wow rahbor wei lute ya kawi ka bru

Jowai: Ki pulit hadien wada yoh ki ya ka ujor na uwi u bru uwa tip kam u Gonmei ynne ka sngi da kem ki ya uwa kamai kari uwa tip kam u Melin Langstang uwa 36 snem uwa na ka chnong Mynkrem.

Ha ka ujor da ong u Gonmei wa ha ka 1 Naisan heipor kamwa 6:30 i janmiet heipor wa dang liwan ka kurim u na Mowkaiaw cha Phramer da chimwai ko ya kari u Melin.

Kani ka kari toh ka Alto K10 ka rong tpai (Dark grey) wei kawa dang thymme neibhah ympu em ko ya u Registration Number.

Da ong wa manda poi ko ha Phramer da phah sangeh ka kurim u Gonmei ya kani ka kari tangwa uwa yah da lai bait u wei thmu wow rahbor wei wow lute ka ha Jowai By-pass wei wow knieh ya ka phone ko wa ki tiar wa kit ko kiwa chongdor T. 60,000.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Wei manda poi ha 7mer (Pasyih) da kynthiar ko na kani ka kari kawa dang lai yeiwa da sakhi da ki bru paidbah kiwa da yah ya ka cha ki pulit ka Phramer.

Ya u Melin da kem wei da yah ya oo cha ka yungbichaar ynne ka sngi wei da kem leh ya kani ka kari wei da chem leh ya ka mobile wa kini ki tiar.