Ka Enforcement Directorate (ED) ha ka 9 tarik uni u bnai da kem ko ya u Montri ka Punjab, u Sanjeev Arora heiyatoh wa i takit yei baam poisa tooh iwa hadooh Rs. 100 klur deiwa leh thok ya ka Goods and Services Tax (GST).
U Arora da chah kem u hadien wa pynman yei kynreh ha kiwa boon ki bynta wa yatoh wa oo wa ki khih ki kreh u khamtam iwa yatoh wa i thied ya ki Mobile wei wow chalan ki deiwa pynemkaam da ka GST wa chna thok.
Ya ini i kynreh da pynman hapoh ka aiñ Prevention of Money Laundering Act (PMLA), 2002.
Ki sahep ka ED da ong ki wa da pynman ki yei kynreh ha 5 tylli ki thaw ha ka 9 tarik ha Delhi, Gurugram wa Chandigarh.
Ha ki soo thaw da chem wa yatoh ki wa u Arora deilang ka Office ka Hampton Sky Realty Limited ya kawa da takit bha ka ED.
Hadien ini da yoh bor na ka yung bichaar wow kset ya u Arora ynñiaw sngi.
Discussion about this post