Jowai : Katkam ka khubor wa da yoh ki pulit ka Ummolong Beat House ha kani ka 6 tarik uni u bnai heipor kamwa 9:30-10:00 waje da kem ya uwi u bru wa da tip kam u Solomon Ram Penga uwa 40 snem i rta, na ka chnong Pidwata District Halka, State- Chin, Myanmar na kawi ka dukan cha (Dhaba) ha Khliehtryshi.
Ki pulit da lai ki cha kani ka thaw hadien wa mih i awri ha pyrdi uni u bru wa ki chipai hadien wa suba ki chipai wa emkti rahbor u ya kawi n Khynnah kawa dang 13 snem na Cingngiliam, Myanmar, Burma.
Manda kylli takit ki pulit ya uni u bru da ong u wa da yohbor u na u pa kani ka khynnah yow yah u ka cha Aizawl yow lai puræ ko kamtæ da mih ki na Mayanmar ha ka 2 Khonchonglad 2015.
Katwa kani ka khynnah da kynnoh ko wa uni u bru da kular u yow pa ko wow booh skur u ka ha ka skur wa miat heiwa o wow pynlut pynsep wei da yah u ka dei bor cha Nagaland
heiwa da jrong kti u ka weiwa thmu u ka u ksohbor ha ka 3 tarik wa ka 5 tarik uni u bnai ha kawi ka kamra hotel.
Da kem ya uni u bru weiwa dang takit ki pulit ya oo katwa ya kani ka khynnah da em ko katni ha Child Welfare Committee, Jowai wei ym pu yoh ki bor pulit u pyntip ya ki bei ki pa yong ka.
Discussion about this post