Jowai : Ka yakhun football Second Division kawa da pynman da ka Jaintia District Sports Association ha madan Kiang Nangbah Stadium, Jowai ynne ka sngi ha pyrdi ka Lion wa ka East Mustem ka Lion da jop ko 3-2.
Kiwa thap neiliang ka Lion da thap da u Deibormi Rngad ha ki minit wa 37 wa 59 wa u Darichwaki Khriem ha ka minit wa 50 katwa ki kool wa thap neiliang ka East Mustem wan ki na u Benison Bang ha ka minit wa 9 wa na u Marar Shylla ha ka minit wa 69. Nei jop ka Lion ynne ka sngi da paiah ko cha ka Quarter final.
Katwa ha ka Super Division hapyrdi ka Chutwakhu wa ka Chilliangraij da jop ka Chutwakhu da 2-1 kool. Kiwa thap neiliang ka Chutwakhu wan ki na u Risly S Passah ha ka minit wa 5 mwa na u Samedonhi Rymbai ha ka minit wa 45 katwa ka kool ka Chilliangraij da thap da u Wanmi Nongrum minit wa 18.
Discussion about this post