Chah kem u Officer ka CBI wa dawa poisa Rs. 2 klur

Ki pulit ka South District ka Delhi ha kani ka kynti da kem ki ya u Officer ka Central Bureau of Investigation (CBI) hadien wa dawa u Rs. 2 klur na uwa sah ha South Delhi deiwa ong wow pyndam u ya ka Case wa da Register pyrchah ya oo.

Ya ka Case da ujor u Shubham Mishra wei da takit ya ka da ki pulit ka Maidan Garhi Police Station hapoh ka South District Police ka Delhi.

U Shubham da ong u wa uwi u bru wa tip kam u Deepak Phalswal da wan u cha yung u ha Bhati Kalan, Mahabali Puram ha uni u snem wei da kam u wa toh u CBI Officer.

U Shubham da ong u wa u Deepak da khana u wa em ka Case wa da Register wa ka CBI wei da dawa u Rs. 2 klur wow pynwiar ya ka Case.

Hadien wa kyntait u Shubham yei dawa u Deepak, u Deepak da chim chwa u Rs 50,000 wei da paan u Rs 75,000 man-u-bnai deiwa maham.

U Shubham da lai u cha ki pulit ha ka 9 tarik u March heiwa da ong u wa daw em wow wan chim poisa wa phah u Deepak.

Neiliang ki pulit da kem ki ya u khynnah wa tip kam u Raja uwa da phla wa phah u Deepak ya oo, kamtæ pyn ha i miet u Deepak da lai u cha i Farmhouse u Shubham heiwa da kem noh ya oo da ki pulit wow takit.

Related posts

Deiwa rahlang wa ki sñiang ha kti pynman yakhih kiwa ri mrad ha Shillong

September 10, 2026

Kynmoo burom ki khynnah skur ha West Jaiñtia ya ka World Literacy Day

September 10, 2026

U Deepak da kam u wa yarap u ya u lok wow su ya ka ram wei manda sai ki pulit ya ka sabut wa maham u ya u Shubham, u Deepak da kylla ktien u.

Ki pulit da pynsakhiat ki wa u Deepak toh u CBI Officer wei da chim ya u Pendrive wa em Recording wow sylli bniah ya ki.

Hadien ini neiliang ka CBI da pynman ko i kynreh yei yung u Deepak heiwa da rah ya ki kot ki sla kamjooh ki tiar Computer.