Chah kem u Pastor uwa da yut hadien wa chah pynngat hapoh ka aiñ POCSO

Uwi u Pastor ha Coimbatore, Tamil Nadu da chah kem u hadien wa leh khlemakor u ya ar ngut ki khynnah.

Uni u Pastor wa tip kam u John Jebaraj yong ka Kings Generation Church ha Coimbatore da chah kem u na Munnar hadien wa yut u na ki pulit wei da yoh kem ya oo ynnin i janmiet wei da phah wow kset ya oo hapoh Judicial Custody.

U John toh uwa 37 snem wei da yut u na ki pulit la kattu katni bnai wei ki pulit ka Central All Women Police Station of Coimbatore da chem ki oo ha Munnar.

 Ya u John da pynngat hapoh ki kyndon Section 9 (l) (M) wa Section 10 ka Protection of Children from Sexual Offences Act (POCSO).

Katkam ki khubor wa tikna da ong wa u John da leh khlemakor u ya kini ki khynnah ha i khawai wa da pynman ha yung u ha Coimbatore ha u Naisan 2024.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

U John da lai u cha Madras High Court wow yakhun yow lait jamin namo ka Anticipatory Bail tangwa da chah kyntait noh ini i thmu yong oo. 

U John toh uwa pawnaam bha wei da em u boon bha kiwa bood ya oo hapoh ki Social Media.

Ini wan i hadien wa uwi u Pastor wa tip kam u Bajinder Singh na Punjab, da chah rai wow kset ya oo chi rta ha i kaam slaitbor ha u 2018.