Chah kem u Pastor wa slaitbor ya ka khynnah wa dang 16 snem ha Assam

Uwi u Pastor uwa tip kam u Isaac Hapat da chah kem u hadien wa slaitbor u ya kawi ka khynnah wa dang 16 snem i rta ha Ulupathar Panigaon wa em ha Margherita Sub-Divisoin ka Tinsukai Distirct ka jylla Assam.

Ini da jia i ha ka 10 tarik uni u bnai heiwa u Issac Hapat da pynbiej u ya kani ka khynnah wow wan yarap ya oo neidaw wa chitom ka kurim u, tangwa manda poi ha yung da chem wa thok u wei ka ka kurim u ym em ko wei da slaitbor u ka kani ka khynnah deiwa kdoh leh ya ki kti ko heiwa da maham u leh wym toh u khana bru ko wei da kset u ka boon sngi wei da slaitbor u ka leh boonsien.

Ini iyi iyi waroh da mih pyrthai i ha ka 22 tarik uni u bnai hadien wa kani ka khynnah da yut ko wei manda poi ha yung da yoo phær kiwa ha-yung ko heiwa da khana lut ko yeiwa jia heipor wa chah kset ko.

Heiyatoh wa ini da ujor ya ka FIR ha Margherita Police Station heiwa da dawa wow pynchitom deiwa khor ya u Isaac Hapat.

Related posts

Chah tooh ka Scooty na pchem yung ha Mihmyntdu

March 15, 2026

Na Haryana, na Assam wa na Shillong kem ki pulit ya 6 ngut kiwa lute ATM ha East Khasi Hills

March 13, 2026

Ya ka FIR da Register katkam ka Case Number 76/2025 US 64 BNS, deilang ka Section 6 ka POCSO Act 2012 ha Margherita Police Station.

Ki pulit ka Margherita Police Station wa yahkhmat da u Officer In-charge, u Protap Gogoi da kem ki ya u Pastor Issac Hapat ynne i step.